क्याम्पसको प्रथम क्याम्पस सभा सम्पन्न

मिति २०८१ फागुन ७ गतेका दिन श्री षडानन्द बहुमुखी क्याम्पसकाे प्रथम वार्षिक साधारण सभा क्याम्पसका कार्यबहाक अध्यक्ष श्री ज्ञानेन्द्र कार्की ज्युको अध्यक्षता सम्पन्न भएको छ । सभामा प्रमुख अतिथि पूर्व मुख्य मन्त्री तथा माननीय राजेन्द्र रार्इ प्रमुख अतिथि, षडानन्द नगरपालिका प्रमुख सुरेन्द्र कुमार उदास र उप प्रमुख प्रमिला रार्इ विषेश अतिथि हुनुहुन्थ्यो । सभाकाे खुल्ला सत्रमा क्याम्पस प्रमुख नगेन्द्र बस्नेतले क्याम्पसको वार्षिक प्रतिवेदन २०८०-८१, लेखापरीक्षण प्रतिवेदन २०८०-८१ प्रस्तुत गरेका थिए । सभामा विभिन्न राजनैतिक दलका प्रमुख, षडानन्द नगरपालिका कार्यपालिका सदस्यहरु, नगरपालिका स्थित माध्यमिक विद्यालयका  प्रधानाध्यापकहरु, शिक्षकहरुका पेशागत संगठनका प्रमुखहरु, अभिभावक प्रतिनिधीहरु,जग्गा दाता,चन्दादाता,स्थानीय समाजसेवि तथा वुद्धिजीहरुको उपस्थिति रहेको थियो । ९० सदस्यीय क्याम्पस सभामा ५५ जनाको उपस्थिति रहेको थियो । सभाले ८ सदस्य रहेको क्याम्पस व्यवस्थापन समितिको निर्वाचन गरेको थियो । अन्य सदस्यहरुमा प्राध्यापक प्रतिनिधि १ जना, क्याम्पस संचालनमा रहेको वडाको वडा अध्यक्ष पदेन सदस्य रहने, त्रि.वि. प्रतिनिधि रहने, क्याम्पस प्रमुख सदस्य सचिव रहने व्यवस्था क्याम्पसको विनियम २०६६ चौथो संशोधन २०७५ मा रहेको छ ।

सभामा प्रधानाध्यपकहरुको तर्फबाट शारदा माध्यमिक विद्यालयक देउरालीका प्रधानाध्यापक भूपाल पूलामी मगर, वडा अध्यक्षहरुको तर्फबाट षडानन्द नगरपालिका वडा नं. ४ का वडा अध्यक्ष राजकुमार तामाङ्, षडानन्दन नगरपालिका उपप्रमुख प्रमिला रार्इ, नगर प्रमुख सुरेन्द्र उदास र प्रमुख अतिथि राजेन्द्र कुमार रार्इले शुभकामना मन्तव्य दिनु भएको थियो । प्रमुख अतिथी राजेन्द्र कुमार रार्इले काम गर्नेहरुलार्इ कामको श्रेय दिदै मिलेर क्याम्पस व्यवस्थापन गर्नु पर्ने,क्याम्पसका लागि आपूले सक्दो सहयोग गर्ने बचन  दिनु भएको छ ।

हाल क्याम्पस सभामा विभिन्न क्षेत्रको प्रतिनिधित्व गर्ने ९० जना सभा सद्हरु रहनु भएको छ ।

सभाले निवर्तमान क्याम्पसका कार्यवाहक अध्यक्ष ज्ञानेन्द्र कार्कीको अध्यक्षतामा उपाध्यक्ष सहित ८ जना सदस्यहरुको निर्विरोध निर्वाचन गरेको छ ।